Kompjuteri i parë

Kompjuteri i parë „Apple“ shitet për 668 mijë $ Në një ankand në Gjermani, një kompjuter “Apple” i vitit 1976 u shit për më shumë se 668.000 dollarë. Sipas organizatorit të ankandit „Breker“, pronari i ri i kompjuterit „Apple I“ është një blerës anonim nga Azia. Një përfaqësues i ankandit ka sqaruar se pajisja është bërë në vitin 1976 nga kompania e themeluesit Steve Jobs dhe Steve Vozniak. Në botë janë vetëm 5 komjuterë të modelit të tillë që janë ende funksional. Vitin e kaluar në ankandin „Breker“ është shitur gjithashtu një kompjuter i serisë së parë „Apple“ për 636.000 dollarë. Ky kompjuter është vlerësuar sidomos nga koleksionarët për shkak se është ende në gjendje të mirë dhe funksionon me një monitor të vogël. Gjithsej janë shitur rreth 200 kompjuterë të modelit „Apple I“.