Lepujt janë krijesa shumë të shoqërueshme dhe lozonjare. Ata jetojnë deri në 10 vjet. Kur ata janë të lumtur kërcejnë dhe përdridhen. Kanë shumë qejf që të përkëdhelen.Mund të mbahen në kafaz ose mund të jenë tërë kohën të lirë. Njësoj si edhe qentë ata përgjigjen kur u thërrasim në emër. Në kafaz lepujve duhet t’u sigurohet vendi për ushqim, ujë, fjetje si dhe hapësira shtesë për lëvizje. Janë të urtë, të dashur, inteligjentë dhe u pëlqen shoqëria e njerëzve. Në dysheme të kafazit duhet të vendosni kashtë apo byk.
Nëse lepurushin e lëshon të vrapojë përreth, është shumë me rëndësi të kesh kujdes për kabllo dhe bimë helmuese. Dyshemeja e kafazit duhet gjithmonë të jetë e tharë. Lepujt përballojnë më mirë të ftohtin se sa nxehtësinë. Nëse janë në hapësirë të hapur, duhet t’u sigurohet strehë nën hije.